Karoon Benati Dou Kar Jori

Updesh Guru Aur Naam-Bhakti
Bachan Unneesvaan, Shabd Doosra

Guru Ka Dhyaan Kar Pyaare, Bina Is Ke Nahi Chhutna.
Naam Ke Rang Mein Rang Ja, Mile Tohe Dhaam Nij Apna.
Guru Ki Saran Drirrh Kar Le, Bina Is Kaaj Nahi Sarna.
Laabh Aur Maan Kyon Chaahen, Parrega Phir Tujhe Dena.
Karam Jo Jo Karega Tu, Vahi Phir Bhogna Bharna.
Jagat Ke Jaal Se Jyon Tyon, Hato Mardaanagi Karna.
Jinhon Ne Maar Man Daala, Unheen Ko Soorma Kahna.
Baarra Bairi Yah Man Ghat Mein, Isi Ka Jeetna Kathina.
Parro Tum Is Hi Ke Peechhe, Aur Sab Hi Jatan Tajna.
Guru Ki Preet Kar Pahile, Bahur Ghat Shabd Ko Sunana.
Maan Do Baat Yah Mein, Karen Mat Aur Kuchh Jatna.
Haar Jab Jaaye Man Tujh Se, Charrha De Sarr Ko Gagana.
Aur Sab Kaam Jag Jhootha, Tyaag De Is Hi Ko Gahna.
Kahain Radhasoami Samjhaai, Gaho Ab Naam Ki Sarna.