Karoon Benati Dou Kar Jori

Binati Aur Praarthna
Bachan Unteesvaan, Shabd Teesra

Guru Main Gunahgaar Ati Bhaari. Tek.
Kaam Krodh Aur Chhal Chaturaai, In Sang Hai Meri Yaari.
Lobh Moh Ahankaar Eersha, Maan Barraai Dhaari.
Kapti Lampat Jhootha Hinsak, As As Paap Kara Ri.
Dukkh Niraadar Saha Na Jaai, Sukh Aadar Abhilaash Bhara Ri.
Binjan Swaad Adhik Ras Chaahe, Man Rasna Yahi Chaat Parra Ri.
Dhan Aur Kaamin Chitt Basaaye, Putr Kalittar Aas Bhara Ri.
Naana Bidhi Bukh Paavat Paapi, To Bhi Yah Kartoot Na Chhaarri.
Yah Man Dusht Kaal Ka Chera, Nit Bharmaavat Nidar Hua Ri.
Jab Jab Chot Parri Dukkhan Ki, Tab Dar Kar Bhajan Kara Ri.
Dekho Daya Mehar Satguru Ki, Usi Bhajan Ko Maan Liya Ri.
Budhi Chaturaai Bachan Banaavat, Haar Ki Charcha Dhaari.
Sheikhi Bahut Preet Nahi Antar, Bhole Bhaktan Dhokh Diya Ri.
Nar Naari Bahutak Bas Keenhe, Maan Pratishtha Bhog Kiya Ri.
Guru Sang Preet Kapat Kuchh Dar Ki, Kabhi Thorri Kabhi Bahut Kiya Ri.
Kahan Lag Augun Barnu Apne, Yaad Na Aavat Bhool Gaya Ri.
Chor Chugal Indri Ras Maata, Matlab Ki Sab Baat Vichaari.
Khud Matlabi Nirdayi Maani, Bahutan Ka Apmaan Kiya Ri.
Kotin Paap Kiye Bahutere, Kahoon Kahaan Lag Naar Na Paari.
He Satguru Ab Daya Vichaaro, Kya Mukh Le Main Karoon Pukaari.
Nahi Parteet Preet Nahi Ranchak, Kas Kas Mera Karo Ubaari.
Mo Sa Kutil Aur Nahi Jag Mein, Tum Satguru Mohen Lev Sudhaari.
Jatan Karoon To Ban Nahi Aavat, Haar Haar Ab Saran Parra Ri.
Yah Bhi Baat Kahi Main Munh Se, Man Se Sarna Kathin Bhaya Ri.
Sarna Lena Yah Bhi Kahna, Jhooth Hua Munh Ka Kahna Ri.
Tumhri Gati Mati Tumheen Jaano, Jas Tas Mera Karo Ubaari.
Main To Neech Nipat Sanshay Rat, Lage Na Charnan Preet Karaari.
Mere Rog Asaadh Bhare Hain, Tum Bin Ko As Kare Dava Ri.
Jab Chaaho Jab Chhin Mein Taaro, Mehar Daya Ki Mauj Niraari.
Baarambaar Karoon Main Binati, Aur Praarthna Karoon Tumhaari.
Tum Bin Aur Na Koi Deekhe, Tumhi Ho Mere Rakhvaari.
Bura Bura Phir Bura Bura Hoon, Jaisa Taisa Aan Parra Ri.
Ab To Laaj Tumhen Hai Meri, Radhasoami Khevo Bala Ri.