Karoon Benati Dou Kar Jori

Mahima Shabd Swaroop Satguru Ki
Bachan Nauvaan, Shabd Paanchvaan

Shabd Bina Saara Jag Andha, Kaate Kaun Moh Ka Phanda.
Shabd Bina Birtha Sab Dhandha, Shabd Bina Jiv Bandhan Bandha.
Shabd Hi Soor Shabd Hi Chanda, Shabd Bina Jiv Rahta Ganda.
Shabd Bina Sabahi Matimanda, Shabd Hi Naasih Shabd Hi Panda.
Shabd Kamaave Mile Ananda, Shabd Bina Sabahi Ki Ninda.
Taate Shabd Hi Shabd Kamaao, Shabd Bina Koi Aur Na Dhyaao.
Shabd Bhed Tum Guru Se Paao, Shabd Maahin Phir Jaaye Samaao.
Shabd Adhar Mein Kare Ujaara, Shabd Nagar Tum Jhaanko Dwaara.
Shabd Rahe Sabahi Se Nyaara, Shabd Kare Sab Jeev Guzaara.
Shabd Jaaniyo Sab Ka Saara, Shabd Maaniyo Hoye Ubaara.
Shabd Kamaai, Kar He Meet, Shabd Prataap Kaal Ko Jeet.
Shabd Ghaat Tu Ghat Mein Dekh, Shabd Hi Shabd Peev Ko Pekh.
Shabd Karm Ki Rekh Kataave, Shabd Shabd Se Jaaye Milaave.
Shabd Bina Sab Jhootha Gyaan, Shabd Bina Sab Thotha Dhyaan.
Shabd Chhorr Mat Are Ajaan, Radhasoami Kahen Baskhaan.