Karoon Benati Dou Kar Jori

Huzur Swami Ji Maharaj
Varnan Mahaatam Bhakti Ka
Bachan Baarahvaan, Shabd Pahla

Bhakti Mahaatam Sun Mere Bhaai, Sab Santan Ne Kiya Bakhaan.
Yani Mata Guru-Mat Pahichaano, Aur Mate Sab Jhooth Bhulaan.
Bina Bhakti Thothe Sab Maano, Chhillka Hai Meengi Ki Haan.
Taate Bhakti Drirrh Kar Pakrro, Aur Sayaanap Tajo Nidaan.
Bhakti Ishq Prem Ye Teeno, Naam Bhed Hai Roop Samaan.
Bhakti Bhaav Yah Guru-Mat Jaano, Aur Mate Sab Man Mat Thaan.
Prem Roop Aatam Parmaatam, Bhakti Roop Satnaam Bakhaan.
Bhakti Aur Bhagvant Ek Hain, Prem Roop Tu Satguru Jaan.
Prem Roop Tera Bhi Bhaai, Sab Jeevan Ko Yon Hi Maan.
Ek Bhed Yaa-Mein Pahichaano, Kaheen Bund Kaheen Lahar Samaan.
Kaheen Sindh Sam Kare Prakaasha, Kaheen Sot Aur Pot Kahaan.
Kaheen Icchha Parbal Hoye Baithi, Kaheen Hui Maaya Balvaan.
Ek Thikaane Maaya Thorri, Sindh Prataap Shuddh Hui Aan.
Sot Pot Mein Maaya Naahi, Vahaan Prem Hi Prem Rahaan.
Vah Bhandaar Prem Ka Bhaari, Ja Ka Aadi Na Ant Dikhaan.
Bina Sant Pahunche Nahi Koi, Satguru Sant Kiya Asthaan.
Prem Bhakti Aisi Mahima, Grahan Karo Yah Amrit Khaan.
Taante Pahile Karo Bhakti Guru, Peechhe Paao Naam Nishaan.
Aarat Kar Kar Guru Rijhaao, Paao Un Se Prem Nidhaan.
Radhasoami Kahat Sunaai, Mila Tujhe Ab Bhakti Daan.