Karoon Benati Dou Kar Jori

Varnan Mahaatam Bhakti Ka
Bachan Baarahvaan, Shabd Doosra

Jagat Bhaav Bhay Lajja Chhorro, Sun Pyaare Tu Kar Bhakti.
Jaati Baran Bhay Lajja Tyaago, Sun Pyaare Tu Kar Bhakti.
Shatru Mitr Dar Door Hataao, Sun Pyaare Tu Kar Bhakti.
Maat Pita Dar Chhorr Ganvaao, Sun Pyaare Tu Bhakti.
Joru Larrke Mat Dar Inse, Sun Pyaare Tu Kar Bhakti.
Bhaai Bhateejon Ka Dar Mat Kar, Sun Pyaare Tu Kar Bhakti.
Saas Sasur Dar Man Se Chhorro, Sun Pyaare Tu Kar Bhakti.
Bahu Jamaai In Ka Dar Taj, Sun Pyaare Tu Kar Bhakti.
Yaar Aashna Sab Dar Chhorro, Sun Pyaare Tu Kar Bhakti.
Naatedaar Kutumbi Jitne, Inka Dar Taj Kar Bhakti.
Bhakti Ang Mein Jab Tu Barte, Chhorr Jhijhak In Kar Bhakti.
Jo Moorakh Hain Marm Na Jaane, Inka Dar Kya, Kar Bhakti.
Inka Dar Kuchh Mat Kar Man Mein, Sun Pyaare Tu Kar Bhakti.
Bhekh Bhekh Ko Dekh Lajaave, So Bhi Kaccha Kar Bhakti.
Jab Lag Sab Se Nidar Na Hove, Tab Lag Kaccha Kar Bhakti.
Zillat Izzat Jo Kuchh Hove, Mauj Vichaaro Kar Bhakti.
Guru Ka Bal Hirde Dhar Apne, Sun Pyaare Tu Kar Bhakti.
Yah Bigaarr Kuchh Karen Na Tera, Kyon Jhijke Tu Kar Bhakti.
Bina Mauj Guru Kuchh Nahi Hota, Sun Pyaare Tu Kar Bhakti.
Tu Kaccha Yah Kare Kachhi, Aur Kahoon Kya Kar Bhakti.
Karte Karte Pakka Hoga, Aur Upaav Na Kar Bhakti.
Kacchi Se Pakki Hoye Ik Din, Chhorr Kapat Tu Kar Bhakti.
Kaput Bhakti Kuchh Kaam Na Aave, Sacchi Kacchi Kar Bhakti.
Radhasoami Kahat Sunaai, Jaisi Bane Taisi Kar Bhakti.