Karoon Benati Dou Kar Jori

Huzur Swami Ji Maharaj
Chitaavani Bhaag Doosra
Bachan Pandrahvaan, Shabd Baarahvaan

Atak Tu Kyon Raha Jag Mein, Bhatak Mein Kya Mile Bhaai.
Khatak Tu Dhaar Ab Man Mein, Khoj Satsang Mein Jaai.
Birah Ki Aag Jab Bharrke, Door Kar Jagat Ki Kaai.
Laga Lo Lagan Satguru Se, Mile Phir Shabd Lau Laai.
Chhutega Janm Aur Marna, Amar Pad Jaaye Tu Paai.
Bhaag Tera Jage Sota, Naam Aur Dhaam Mil Jaai.
Kahoon Kya Kaal Jag Maara, Jeev Sab Gher Bharmaai.
Nahi Koi Maut Se Darta, Khauf Jam Ka Nahi Laai.
Parre Sab Moh Ki Phaansi, Lobh Ne Maar Dhar Khaai.
Chet Kaho Hoye Ab Kaise, Guru Ke Sang Nahi Dhaai.
Kaam Aur Krodh Bich Bich Mein, Jeev Se Bhaarr Jhonkvaai.
Guru Bin Koi Nahi Apna, Jaal Yah Kaun Turrvaai.
Kutumb Parivaar Matlab Ka, Bina Dhan Paas Nahi Aai.
Kahaan Lag Kahoon Is Man Ko, Unhi Se Maas Nuchvaai.
Guru Aur Saadh Kahen Bihu Bidhi, Kahan Unki Na Patiyaai.
Mehar Bin Kya Koi Maane, Kahi Radhasoami Yah Gaai.